ԱՄՆ նախագահ Ջո Բայդենի վարչակազմը բանակցություններ է վարում Վիետնամի հետ զենքի հանձնման՝ պատմության մեջ ամենախոշոր համաձայնագրի կնքման մասին, վկայում են գործարքին ծանոթ երկու աղբյուրներ, տեղեկացրել է Reuters-ը։
Միջոցների փաթեթը, որը կարող է ընդունվել հաջորդ տարվա ընթացքում, կարող է ավարտել Վաշինգտոնի եւ Հանոյի միջեւ վերջերս թարմացված գործընկերությունը ամերիկյան F-16 կործանիչների վաճառքի մասին, քանի որ Վիետնամը բախվում է լարվածության Պեկինի հետ հարաբերություններում՝ Հարավչինական ծովի շուրջ վեճի առնչությամբ, նշել է աղբյուրներից մեկը։
Գործարքը գտնվում է վաղ փուլում, դրա պայմանները դեռ համաձայնեցվում են, եւ հնարավոր է, որ չհամաձայնեցվեն։ Սա Հանոյում, Նյու Յորքում եւ Վաշինգտոնում ընթացած վիետնամա-ամերիկյան պաշտոնական բանակցությունների գլխավոր թեման էր։
Մյուս աղբյուրի տեղեկացմամբ՝ Վաշինգտոնը դիտարկում է Հանոյին օգնելու հարցը, որպեսզի վերջինը հրաժարվի ռուսական արտադրության ավելի էժան զենքից ավանդական կախվածությունից։
Բայդենի վարչակազմը մինչ այդ հայտարարել էր, որ փորձում է հավասարակշռել Չինաստանի հետ մրցակցությունը, այդ թվում Խաղաղօվկիանոսյան տարածաշրջանում, եւ պատասխանատու կերպով կառավարել հարաբերությունները երկու գերտերությունների միջեւ։
