Լիբանանի բանակը շաբաթ հայտարարել է, որ արցունքաբեր գազ է օգտագործել իսրայելական ուժերի դեմ՝ ի պատասխան Լիբանանի հարավում, Բաստրա շրջանում իսրայելցիների ծխագլանիկներով գրոհի, տեղեկացրել է Reuters-ը։
«Իսրայելցի հակառակորդը խախտել է հետ քաշվելու գիծն ու կիրառել ծխագլանիկներ Լիբանանի բանակի պարեկախմբի դեմ, որն ուղեկցում էր իսրայելցի հակառակորդի բարձրացրած հողաթումբը մաքրող բուլդոզերին «կապույտ գծում», Բաստրայի շրջանում,- նշվել է Լիբանանի բանակի հայտարարությունում։- Լիբանանյան պարեկախումբը հարձակմանը պատասխանել է արցունքաբեր ռումբով՝ ստիպելով հակառակորդին նահանջել զավթված պաղեստինյան տարածք»։
Անդրեա Տենենտին՝ ՄԱԿ խաղաղապահ ուժերի ներկայացուցիչն այս շրջանում, հայտնել է կողմերի միջեւ լարվածության մասին։ Նրա խոսքով՝ առաքելությունը կապ է պահպանում կողմերի հետ՝ «լարվածության թուլացման եւ թյուրիմացությունները կանխելու նպատակով»։
