Ռուսաստանյան խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։Բաքվի և Ստեփանակերտի հետ շարունակական փոխգործակցություն է պահպանվում՝ ուղղված արյունահեղության կանխմանը, խաղաղ բնակչության  անվտանգության ապահովմանը և մարդասիրական իրավունքի պահպանմանը։ Այս մասին ասվում է Լեռնային Ղարաբաղի հակամարտության գոտում խաղաղապահ զորախմբի  գործունեության վերաբերյալ ՌԴ ՊՆ սեպտեմբերի 24-ի   տեղեկագրում։

Հրադադարի ռեժիմի խախտումներ չեն արձանագրվել։

Ի կատարումն ռազմական գործողությունների դադարեցման մասին ձեռք բերված պայմանավորվածությունների՝ Ղարաբաղի զինված կազմավորումները ռուսաստանյան խաղաղապահների հսկողության ներքո շարունակել են  զենքի և ռազմական տեխնիկայի հանձնումը։

Սեպտեմբերի 24-ի դրությամբ հանձնվել է  6 միավոր զրահատեխնիկա, ավելի քան 1200 միավոր հրաձգային զենք, հակատանկային միջոցներ և   շարժական զենիթահրթիռային համակարգեր, մոտ 130 հազ․ զինամթերք։