Ունենք վարչապետի թեկնածու, ժամանակին ամեն ինչ կներկայացվի։ Այս մասին այսօր՝ սեպտեմբերի 24-ին, Հանրապետության հրապարակում անցկացվող հանրահավաքին լրագրողների հետ զրույցում ասաց «Մայր Հայաստան» դաշինքի եւ Ազգային կոմիտեի անդամ Անդրանիկ Թեւանյանը։
Ճշտող հարցին՝ արդյո՞ք ինքն է ընդդիմության վարչապետի թեկնածուն, Թեւանյանն ասաց. «Ժամանակին ամեն ինչ կներկայացվի»։
Հարցին, թե ինչո՞ւ է գործընթացը գաղտնի պահվում, Անդրանիկ Թեւանյանն արձագանքեց. «Գործընթացը գաղտնի չի պահվում, ուղղակի այն իր տրամաբանական ընթացքն ունի։ Մենք այդ հարցը չենք քննարկել, բայց, բնականաբար, այդ հարցը մեր օրակարգում է եւ չի կարող չլինել որովհետեւ հանրությունն էլ է դա պահանջում»։
