Իրանի Իսլամական հեղափոխության պահապանների կորպուսը մշակում է ռազմական անօդաչու սարքեր, որոնք կարող են վայրէջք կատարել ջրի վրա և հրթիռներ ու ռումբեր կրել, հայտնում է Tasnim-ը։

ԻՀՊԿ ռազմածովային նավատորմը  արտադրում է նաև հիբրիդային անօդաչու թռչող սարքեր, որոնք ունեն երկու առանձին շարժիչ՝ արձակման և շարժման համար:

Այս անօդաչու սարքերը կարող են հետախուզական գործողություններ իրականացնել 15 ժամվա ընթացքում։ Մոտ ժամանակներս դրանք կհամալրեն Իսլամական հեղափոխության պահապանների կորպուսի ռազմածովային ուժերի նավատորմը։