ՀՀ ԱԺ նախագահ Ալեն Սիմոնյանը հայտարարեց, որ իշխանությունը, ոստիկանությունը ճիշտ են անում, որ բիրտ ուժ են կիրառում ցուցարարների նկատմամբ:
«Լավ են անում, ճիշտ են անում»,- Պետրոս Ղազարյանի հետ զրույցում ասաց նա։
Սիմոնյանը ասաց, որ իրենք Հայաստանի նորագույն պատմության մեջ ամենաժողովրդավար իշխանությունն են. «Դա փաստում են բոլոր միջազգային կառույցները, բացի այդ, Հայաստանում կա ազատ կամարտահայտության իրավունք, բայց օրենքն ու պողպատե մանդատը պետք է հարգել: Կա ազատ կամարտահայտության իրավունք։ Մենք մարտի 1 չենք անում, բայց օրենքը պետք է պահպանվի։ Վերջիվերջո, մեր ընտրողները մեզ միշտ ասել են, որ պողպատե մանդատը պետք է օգտագործվի»,- ասաց Սիմոնյանը։
