Հայոց ցեղասպանությունից հարյուր տարի հետո հայերը նորից փախուստի են դիմում փրկվելու համար։ Այս մասին X-ի իր միկրոբլոգում գրել է Սինջարի ակադեմիայի նախագահ եւ համահիմնադիր Մուրադ Իսմայիլը։
«Ես քիչ բան կարող եմ անել հայերի համար, բայց կարող եմ նրանց ասել, որ մենք սիրում ենք ձեզ։ Ուժեղ եղեք եւ երբեք չհանձնվեք... Ես լալու անհրաժեշտություն չեմ զգացել, բայց այսօր Արցախի ժողովրդի հետ զգում եմ այդ անհրաժեշտությունը։ Ափսոս, որ աշխարհը նորից դավաճանեց ձեզ... Ես գիտեմ, դուք անհույս եք։ Բայց ձեր քաղաքակրթությունը եւ ձեր ժողովուրդը գոյատեւել են հարյուրավոր տարիներ, եւ ձեզ չեն կարող ջնջել երկրի երեսից»,- նշել է նա։
Նրա խոսքով՝ լռությունը զանգվածային հանցագործությունների ժամանակ միշտ գլխավոր թեմա է։ «Ինչ-որ մեկն ինձ ասել է, որ երբ քրդերին հազարներով սպանում էին քիմիական գրոհների ժամանակ, (ՄԱԿ) Անվտանգության խորհրդում դա գրեթե չէին քննարկում, բոլորը փորձում էին թաքցնել դա։ Դա տեղի է ունենում այսօր արցախահայերի հետ։ Եվ նորից լռություն ու անգործություն։ Եվ նորից մարդկությունը որոշում է կանգնել անմարդկայնության ճանապարհին... Հենց դա տեղի ունեցավ հրեաների հետ Հոլոքոստի ժամանակ, եմենցիների, սիրիացիների, եզիդների հետ։ Գրեթե բոլորի հետ, ովքեր դարձան զանգվածային չարագործությունների զոհ»։
