Հիդրոէներգետիկայով հարուստ Տաջիկստանը նախատեսում է մինչեւ 2040թ. արտադրել 1 մլն տոննա կանաչ ջրածին երկրի ներսում օգտագործելու եւ Կենտրոնական Ասիայի հարեւան երկրներ արտահանելու համար, Reuters-ին տեղեկացրել է երկրի էներգետիկայի եւ ջրային պաշարների նախարար Դալեր Ջուման։

Նրա խոսքով՝ Տաջիկստանը նախատեսում է մինչեւ 2030թ. ունենալ վերականգնվող էներգիայի 10 գիգավատ հզորություն։ «Մենք լիովին կախված ենք նավթամթերքների ներմուծումից... եւ կանաչ ջրածնի արտադրության ճանապարհային քարտեզ ենք մշակում»,- ասել է Ջուման։

Միջազգային էներգետիկ գործակալության տվյալներով՝ Տաջիկստանի հիդրոպոտենցիալը օգտագործվում է մոտ 4 տոկոսով։

Տաջիկստանը նախատեսում է  մինչեւ 2030թ. արտադրել 500 000 մլն տոննա կանաչ ջրածին եւ կրկնապատկել այդ թիվը մինչեւ 2040թ., ասել է Ջուման, ընդ որում՝ այդ ծավալի 75 տոկոսը կարտահանվի Կենտրոնական Ասիայի երկրներ։

Բայց քանի որ կլիմայի փոփոխությունը հանգեցրել է սառցադաշտերի հալվելուն Տաջիկստանում, երկիրը ցանկանում է, որպեսզի մինչեւ 2030թ. էլեկտրաէներգիայի 10 տոկոսը կարելի լինի ստանալ այն աղբյուրներից, որոնք տարբերվում են հիդրոէներգետիկայից, այդ թվում արեւային եւ քամու էներգիայից, որպեսզի դիվերսիֆիկացնի էլեկտրաէներգիայի աղբյուրները, ավելացրել է Ջուման։