Ադրբեջանը հերթական անգամ փակ է թողել ցամաքային սահմանները՝ այս անգամ մինչեւ 2024թ. հունվարի 2-ը։

Համապատասխան որոշումն ընդունվել է Ադրբեջանի կառավարությունում։

Երկրի ցամաքային սահմանները փակ են 2020թ. գարնանից։ Բաքուն հայտարարել է, որ կպահպանի կարանտինի ռեժիմը կորոնավիրուսի համավարակի պատճառով, «այնքան, որքան դա անհրաժեշտ կլինի»։ Այն բանից հետո, երբ մայիսին ԱՀԿ-ն հայտարարեց համավարակի դադարեցման մասին, Ադրբեջանը երկու անգամ երկարացրել է սահմանները փակ պահելու որոշումը, տեղեկացրել է «Новости-Грузия»-ն։

Վրաստանից Ադրբեջան մուտքն այդ ամբողջ ընթացքում հնարավոր է միայն օդային տրանսպորտով։

Օգոստոսին Վրաստանում ապրող էթնիկ ադրբեջանցիները դիմել են Ադրբեջանի նախագահ Իլհամ Ալիեւին՝ խնդրելով բացել ցամաքային սահմանները, որպեսզի մարդիկ կարողանան գնալ միմյանց մոտ։