Իվանյանում ընթանում են ադրբեջանցի պատգամավոր Ռամին Մամեդովի  բանակցությունները Արցախի ներկայացուցիչների հետ, հավաստիացնում են ադրբեջանական ԶԼՄ-ները։ Արցախի իշխանություններն առայժմ ոչինչ չեն հաղորդել հանդիպման մասին։

Նշենք, որ սեպտեմբերի 21-ին Եվլախ քաղաքում ռուսական միջնորդությամբ տեղի է ունեցել Ադրբեջանի եւ Արցախի ներկայացուցիչների հանդիպումը։ Հանդիպման արդյունքների հիման վրա պաշտոնական Ստեփանակերտը տեղեկացրել է, որ հանդիպման ընթացքում, որը տեղի է ունեցել գործնական մթնոլորտում, քննարկվել են մի շարք հարցեր, որոնք երկկողմանի հետաքրքրություն են ներկայացնում։ «Կողմերն առանձնապես ընդգծել են առկա բոլոր հարցերի քննարկման անհրաժեշտությունը խաղաղ իրադրությունում՝ նշելով հանդիպումը շարունակելու պատրաստակամության մասին»։