Թեհրանն անընդհատ դրական հաղորդագրություններ է ստանում Վաշինգտոնից, բայց հետեւություններ է անում ամերիկացիների գործողություններից։ Այս մասին հայտարարել է ԻԻՀ ԱԳ նախարար Հոսեյն Ամիր Աբդոլլահիանը:
Նա նշել է, որ ԳՀՀԾ-ի վերածննդի հարցը քննարկել է իր օմանցի գործընկերոջ հետ: Նրա խոսքով՝ Թեհրանը կարող է դիտարկել ցանկացած ծրագիր եւ նախաձեռնություն, որն ապահովում է իրանցի ազգի շահերը, հարգում է Թեհրանի կարմիր գծերը եւ հանգեցնում է պատժամիջոցների չեղարկմանը եւ բոլոր կողմերի վերադարձին իրենց պարտավորություններին:
Թեհրանի եւ Վաշինգտոնի միջեւ վերջերս կնքված համաձայնագրի իրականացումը դրական իրադարձություն անվանելով՝ Իրանի արտգործնախարարը հավելել է. «Բնականաբար, երկու կողմերի միջեւ հաղորդագրությունների փոխանակումը նոր հարց չէ, բայց մենք պետք է տեսնենք, թե ինչ կլինի ապագայում»։
