Երևանի Շեքսպիրյան միջազգային թատերական փառատոնն այս տարի չի կայանա։
«Հարգելի հանդիսատես, ցավով տեղեկացնում ենք, որ այս տարվա Փառատոնը չի կայանա, քանի որ մենք չենք կարող անտարբեր լինել տիրող իրադարձությունների հանդեպ և որքան էլ ծրագիրը նախապատրաստված էր ամենաբարձր մակարդակով, մեզ համար ավելի կարևոր է այն իրականությունը, որի միջով մենք անցնում ենք այժմ:
Հուսով ենք, որ հաջորդ տարում հանգամանքները կլինեն այնպիսին, որ Փառատոնը կրկին կբացի իր դռները Նոյեմբերի 1-7 ը և կներկայացնի ձեզ աշխարհում տեղի ունեցող թատերական նոր իրադարձությունները:
Խաղաղություն բոլորիս»,- հայտնում են փառատոնի մամուլի ծառայությունից։
