ԱՄՆ նախագահ Ջո Բայդենը 2020 թվականի պատերազմից հետո USAID-ի միջոցով որեւէ օգնություն չի ուղարկել Արցախ: Նա ոչ մի օգնություն չի տրամադրել շրջափակված Արցախին։ Այս մասին ասվում է Ամերիկայի Հայ դատի հանձնախմբի (ANCA) X միկրոբլոգում տեղակայված հաղորդագրության մեջ․
«Բայց նա լուսանկարիչներ է ուղարկում, որպեսզի ցույց տա իր կարեկցանքը փախստականների հանդեպ, ընդ որում նա օգնել է Ադրբեջանին էթնիկ զտումներ իրականացնել Արցախում։
Զինելով եւ աջակցելով Արցախի 120 000 բնիկ քրիստոնյա հայերի նկատմամբ Ադրբեջանի ցեղասպանությանը՝ Բայդենն այժմ ծաղիկներ է ուղարկում հայերի հուղարկավորությանը, այն դեպքում, երբ նա ակտիվորեն մասնակցել է նրանց հին հայրենիքում էթնիկ զտումներին:
Ոչ մի օգնություն Արցախին։ Բայց լուսանկարիչների պակաս չկա․․․Նա ավելի շատ միջոցներ է ծախսել USAID-ի ղեկավար Սամանթա Փաուերի, լուսանկարիչների ՝ Հայաստան կատարած այցի վրա, քան վերջին երեք տարիների ընթացքում Արցախում մարդասիրական օգնության ծրագրերի վրա»,-ասվում է հաղորդագրության մեջ։
