Բելառուսի նախագահ Ալեքսանդր Լուկաշենկոն ստորագրել է «Քաղաքացիական անօդաչու թռչող սարքերի պետական գրանցման և շահագործման մասին» հրամանագիրը, որն արգելում է Բելառուսի քաղաքացիներին ներմուծել, պահել, վաճառել, պատրաստել և օգտագործել անօդաչու թռչող սարքեր։
Քաղաքացիական անօդաչու թռչող սարքերի ցանկացած օգտագործում թույլատրվում է միայն կազմակերպություններին և իրավաբանական անձանց՝ իրենց «բիզնեսի և մասնագիտական գործունեության համար»: Դա անելու համար նրանք պետք է թույլտվություն ստանան Բելառուսի տրանսպորտի նախարարության ավիացիոն վարչությունից։
Հրամանագիրը նախատեսում է ԱԹՍ-ների պետական հաշվառման համակարգի ստեղծում։
Բելառուսի բնակիչները վեց ամիս ժամանակ ունեն կազմակերպություններին վաճառելու իրենց արդեն իսկ պատկանող անօդաչու սարքերը կամ դրանք պահեստավորման համար փոխանցելու «կառավարության նշանակած լիազորված կազմակերպությանը»։ Թե ինչ կազմակերպության մասին է խոսքը, չի նշվում։
