Մենք արձանագրում ենք, որ ԵՄ-ն, ԱՄՆ-ը և մյուս բոլոր միջազգային սուբյեկտները չեն կարողացել ապահովել Լեռնային Ղարաբաղի հայերի իրավունքները եւ անվտանգության երաշխիքները, չնայած բազմաթիվ հայտարարություններին, նրանք չկարողացան ապահովել Լեռնային Ղարաբաղի հայերի իրավունքները։ Այդ մասին X սոցիալական ցանցում գրել է հատուկ հանձնարարություններով ՀՀ դեսպան Էդմոն Մարուքյանը։

Նա հիշեցրել է, որ իրենց միջնորդական ջանքերի ընթացքում այդ գործիչները բազմիցս հայտարարել են, որ Լեռնային Ղարաբաղի հայերի իրավունքներն ու անձեռնմխելիությունը պետք է երաշխավորվեն միջազգային մեխանիզմների շրջանակներում, որոնք նրանց թույլ կտան ապահով ապրել իրենց նախնիների հողում: