Նավթի, բնական գազի եւ ածուխի համաշխարհային պահանջարկը, ամենայն հավանականությամբ, կհասնի գագաթնակետին մինչեւ 2030 թվականը: Սա հուսադրող իրադարձություն է, բայց՝ անբավարար՝ գլոբալ ջերմաստիճանի բարձրացումը մինչեւ 1,5 աստիճան Ցելսիուս սահմանափակելու համար, երեքշաբթի հայտնելէ Միջազգային էներգետիկ գործակալությունը:

«Գլոբալ տաքացումը 1,5 աստիճան Ցելսիուսով սահմանափակելու նպատակը պահպանելու համար անհրաժեշտ է, որ աշխարհն արագ համախմբվի»,-ասել է գործակալության գործադիր տնօրեն Ֆաթիհ Բիրոլը:

Կազմակերպության տվյալներով՝ մինչեւ 2030 թվականը պահանջվող արտանետումների կրճատման ավելի քան 80%-ը կարող է հասնել վերականգնվող էներգիայի ընդլայնման, էլեկտրաֆիկացման ավելացման, էներգաարդյունավետության բարձրացման եւ մեթանի արտանետումների կրճատման միջոցով:

Գործակալությունը նշում է, որ ամբողջ աշխարհում մաքուր էներգիայի ներդրումները պետք է ավելի քան կրկնապատկվեն՝ այս տարվա համար կանխատեսվող 1,8 տրիլիոն դոլարից մինչեւ 4,5 տրիլիոն դոլար ամեն տարի մինչեւ 2030-ականների սկիզբը։