ԱՄՆ Լուիզիանա նահանգում աննախադեպ երաշտը սպառնում է հանգեցնել արտակարգ դրության Միսիսիպի գետի ծանծաղացման և Նոր Օռլեանի ջրի սակավության պատճառով՝ միաժամանակ նաեւ աղի մակարդակի բարձրացմամբ, ինչը այն դարձնում է ոչ պիտանի և վտանգ է ներկայացնում մեկ միլիոն տեղացի բնակչի համար, հաղորդում է NBC News-ը։
«Նոր Օռլեանը պատրաստվում է խմելու ջրի հարցում արտակարգ դրության: Երկարատև երաշտը Միսիսիպիի մակարդակը անբնական ցածր է պահում, և զգալիորեն կրճատված հոսքերը թույլ են տվել աղի ջրի հետ խառնվելը:
Նշվում է, որ գետի հոսքի ուժգնության նվազման պատճառով Մեքսիկական ծոցից աղի ջուրը սկսել է ներթափանցել Միսիսիպի։ Արդյունքում վտանգվել է ոչ միայն բուն Նոր Օռլեանի, այլև շրջակա տարածքի ջրամատակարարումը։ Այդ շրջանի ընդհանուր բնակչությունը կազմում է մոտ մեկ միլիոն մարդ:
Քաղաքի իշխանությունները նախապես ստորագրել էին արտակարգ դրության մասին հայտարարություն՝ մտավախություն ունենալով, որ առաջիկա շաբաթներին բնակչությունը կարող է դժվարություններ ունենալ անվտանգ խմելու ջրի հարցում։
