Անվստահություն, ցասում եւ ցավ։ Ռուբեն Վարդանյանը՝ կարեկից եւ անձնուրաց մարդ, հենարան էր Արցախի ժողովրդի համար, եւ այն, ինչ տեղի ունեցավ, ընկալումից դուրս է։ Այս մասին X-ի իր միկրոբլոգում գրել է հանրահռչակ մարդասեր գործիչ եւ «Ավրորա» մարդասիրական նախաձեռնության առաջին նախագահ, ամերիկացի բժիշկ Թոմ Կատենան։
«Աղոթում եմ Ռուբենի եւ նրա ընտանիքի համար»,- նշել է նա։
Ավելի վաղ Ադրբեջանի պետական սահմանապահ ծառայությունը հաստատել էր, որ բռնել է Արցախի նախկին պետնախարար Ռուբեն Վարդանյանին Արցախից դուրս գալ փորձելիս եւ հրապարակել է կալանավորված Վարդանյանի համապատասխան լուսանկարը։
Վարդանյանի կինը՝ Վերոնիկա Զոնաբենդը, հայտնել է, որ այսօր առավոտյան նրա ամուսինը՝ Ռուբեն Վարդանյանը, սահմանին ձերբակալվել է եւ գերի վերցվել ադրբեջանական իշխանությունների կողմից, Արցախից հազարավոր այլ հայերի հետ հեռանալ փորձելու ժամանակ։
