News
Լրահոս
News
Կիրակի
Դեկտեմբեր 03
USD
402.88
EUR
438.7
RUB
4.47
Տեսնել լրահոսը

Թուրքիայի նախագահ Ռեջեփ Էրդողանի հայտարարությունը կարող է տպավորություն ստեղծել, թե Բաքուն եւ Անկարան հրաժարվել են Հայաստանի տարածքով միջանցքի հարցում իրենց մտադրություններից եւ կարող են փորձել հաղորդակցություն բացել Իրանի միջով։ Այս մասին  NEWS.am-ի հետ զրույցում ասաց Իրանի խորհրդարանի պատգամավոր Ռոբերտ Բեգլարյանը։

Հիշեցնենք, որ Էրդողանն ավելի վաղ հայտարարել է, որ եթե Հայաստանը թույլ չտա միջանցք բացել իր տարածքում, ապա Իրանը «ուրախությամբ կընդունի, որ այդ միջանցքն անցնի իր տարածքով»։

«Նախ, միջանցք եզրույթն ինքնին հարցեր է առաջացնում։ Եթե միջանցք ասելով հասկանում են արտատարածքային հաղորդակցություն, ապա եթե այն հնարավոր չէ Հայաստանի տարածքով, ապա հնարավոր չէ նաեւ Իրանի տարածքով։

Եթե նկատի ունեն արդեն գոյություն ունեցող ճանապարհների եւ երթուղիների գործունեության ռեժիմի փոփոխություն, ապա դա նույնպես դժվար է պատկերացնել։ Իրանը միշտ համագործակցել է ընդունված նորմերին համապատասխան։

Ուստի կարծում եմ, որ այդ հայտարարությունը փորձ է՝ թոզ փչելու միջազգային հանրության աչքերին։

Վերջին երեք տարում Ադրբեջանի եւ Թուրքիայի մոտեցումներից կարելի է եզրակացնել, որ նրանք ցանկանում են ստանալ արտատարածքային միջանցք եւ կասկածի տակ դնել Հայաստանի տարածքային ամբողջականությունը։

Այդ դեպքում Հայաստանի համար ի՞նչ տնտեսական շահի մասին կարող է խոսք լինել։ Եթե այդպես լինի, ապա դա կլինի Պանամայի կամ Սուեզի ջրանցքի նման մի բան, եւ Հայաստանին լավագույն դեպքում տարեկան որոշակի գումար կվճարեն։

Թուրքիայի եւ Ադրբեջանի հետ հաղորդակցությունների ապաշրջափակումը եւ ճանապարհների բացումը՝ նույնիսկ Հայաստանի ինքնիշխանության ներքո, կարճաժամկետ հեռանկարում չի կարող որեւէ իրական տնտեսական օգուտ բերել Հայաստանին՝ հաշվի առնելով Հայաստանի ներուժը:

Ուստի Հայաստանի տնտեսությունը պետք է պատրաստ լինի տեխնոլոգիական զարգացման, որպեսզի նրա տնտեսությունը կարողանա մրցակցել թուրքականի հետ»,-ասաց պատգամավորը։ 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ալեքսանդրովը նկարագրել է Ռուսաստանի և Իրանի հավանական արձագանքը Հայաստանի դեմ Բաքվի հնարավոր ագրեսիային
Սա կարելի է անվանել Իսրայելին ռազմական օգնությունը ձգձգելու քաղաքականություն․․․
44-օրյա պատերազմից ի վեր, Բաքվի բանտերում, տարբեր հաշվարկներով 80-90 հայ կա. Տիգրան Աբրահամյան
Չարիքի այս իշխանությունը թքած ունի մարդկային ճակատագրերի նկատմամբ, որի…
Ադրբեջանական լրատվամիջոցներ. գերեվարված Գագիկ Ոսկանյանին դատարան չեն բերել
2023 թվականի օգոստոսի 16-ին պահեստազորի և ուսումնական ճամբարի մասնակից Գ.Վ.-ն ինքնակամ լքել է...
Լավրով. Մոսկվան պատրաստ է նպաստել հայ-ադրբեջանական հարաբերությունների կարգավորմանը
Տեղի է ունեցել մտքերի փոխանակում տարածաշրջանային խնդիրների շուրջ...
Պետք է Ադրբեջանի հանրային դիրքորոշումը տարածքային ամբողջականության փոխադարձ ճանաչման հարցում. Միրզոյանը՝ Կոլոմինային
Նոյեմբերի 30-ին Սկոպյեում ԵԱՀԿ նախարարական 30-րդ համաժողովի...
Կայացել է Հայաստանի և Ադրբեջանի միջև սահմանազատման հարցերով հանձնաժողովների 5-րդ հանդիպումը. ԱԳՆ հաղորդագրությունը
Կողմերը պայմանավորվել են նաև աշխատանքային կարգով նախանշել հանձնաժողովների հաջորդ հանդիպման անցկացման ամսաթիվն ու վայրը…
Ամենաշատ