Ստեփանակերտի Վերածննդի հրապարակում լիքը մարդ կա․ մեքենան կա, բայց վառելիք չեն հատկացնում, որպեսզի Հայաստան գանք։ Այս մասին NEWS.am-ի հետ զրույցում պատմեց արցախցի Թամար Շահնազարովան։

«Վառելիքի խնդիր ունենք։ Այսօր պետական այրերից՝ Թովմասյանից, Իշխանյանից հետաքրքրվեցինք, ասացին՝ կլինի, բայց թե երբ ու ինչպես, չեն ասում։ Վայելում ենք հայրենիքում վերջին օրերը, նստել ենք հրապարակում, դարդով սպասում ենք։ Միայն մտածում ենք հասնելու մասին, հետո կկողմնորոշվենք»,- պատմեց Թամարը։

Նշենք, որ Արցախից սեպտեմբերի 27-ի ժամը 15։00-ի դրությամբ բռնի տեղահանվել եւ ՀՀ սահմանը հատել է 50 243 անձ։