Բուլղարիայի խորհրդարանը հավանություն է տվել Ուկրաինային լրացուցիչ ռազմական օգնության տրամադրմանը։

Դռնփակ նիստում օրենսդիրները քվեարկել են Ուկրաինային «երկիր-օդ» դասի անսարք հրթիռներ մատակարարելու հարցը ռուսական ՀՕՊ Ս-300 համակարգերի եւ փոքր տրամաչափի ավտոմատ զենքի զինամթերքների համար, որոնք դուրս են գրվել ներքին գործերի նախարարության կողմից, տեղեկացրել է ԲՏԱ պետական լրատվական գործակալությունը։

Ռազմական փորձագետները հայտնել են, որ հրթիռներն անհնար է նորոգել Բուլղարիայում, բայց Ուկրաինան ունի դրանց նորոգման կամ պահեստամասերի օգտագործման անհրաժեշտ հզորություններ։

Պաշտպանության նախարար, ծովակալ Էմիլ Եֆտիմովը օրենսդիրներին հավաստիացրել է, որ տրամադրվող զենքը վնաս չի պատճառի Բուլղարիայի պաշտպանունակությանը։ «Մենք մտադիր չենք (Ուկրաինային) հանձնել Ս-300 հրթիռների ամբողջ համալիրը, քանի դեռ փոխարինող չենք գտել»,- ասել է նա։