Ֆրանսիան կոչ է անում Թուրքիային եւ Հունգարիային վավերացնել ՆԱՏՕ-ին անդամակցելու Շվեդիայի հայտը, գրումէ AFP-ը։
Հունգարիան եւ Թուրքիան հուլիսին հանել են վետոն ՆԱՏՕ-ին Շվեդիայի անդամակցության դեմ, սակայն չեն շտապում վավերացնել նրա անդամակցությունը:
«Մենք կցանկանայինք Շվեդիային տեսնել ՆԱՏՕ-ում, եւ մենք կցանկանայինք, որպեսզի Թուրքիան եւ Հունգարիան կատարեն այն, ինչի մասին պայմանավորվել ենք»,-ասել է Ֆրանսիայի արտաքին գործերի նախարար Կատրին Կոլոննան։
Հունգարիայի վարչապետ Վիկտոր Օրբանն այս շաբաթ հայտարարել է, որ ՆԱՏՕ-ին անդամակցելու Շվեդիայի հայտի վավերացումը «հրատապ» չէ՝ մեղադրելով սկանդինավյան այդ երկրին երկրի «ժողովրդավարական բնույթին» մարտահրավեր նետելու մեջ:
