ԱՄՆ պետքարտուղարի օգնականի պաշտոնակատար Յուրի Քիմը Բաքու կատարած այցի շրջանակներում հանդիպել է Ադրբեջանի ԱԳ նախարար Ջեյհուն Բայրամովի հետ:

Ինչպես հաղորդում են ադրբեջանական լրատվամիջոցները, հանդիպման ընթացքում Բայրամովը փորձել է արդարացնել Արցախի հայերի դեմ Ադրբեջանի ագրեսիան եւ դրան հաջորդած էթնիկ զտումները: Նա պատրաստակամություն է հայտնել «աջակցել Ադրբեջանում ՄԱԿ-ի մշտական համակարգողի գլխավորությամբ ՄԱԿ-ի ներկայացուցիչների այցին Ղարաբաղյան տարածաշրջան»։

Բայրամովը նաեւ հաստատել է «Ադրբեջանի հանձնառությունը Հայաստանի հետ հարաբերությունների խաղաղ կարգավորմանը՝ հիմնված տարածքային ամբողջականության եւ ինքնիշխանության հարգանքի սկզբունքների վրա»։