Իրանն աշխատում է հարեւան երկրների հետ վիզային ռեժիմի վերացման ուղղությամբ։ Այս մասին հայտարարել է Իրանի մշակութային ժառանգության, զբոսաշրջության եւ արհեստների նախարար Էզաթոլլա Զարգամին։

Զարգամին հայտնել է վերջին երկու տարում Իրան օտարերկրյա զբոսաշրջիկների 38 տոկոսով աճի մասին՝ նախորդ տարվա համեմատ՝ կորոնավիրուսի համավարակից հետո, փոխանցում է ԻՌՆԱ-ն։

«Իրանում զբոսաշրջության աճը 3 անգամ գերազանցել է կորոնավիրուսի համավարակից հետո համաշխարհային միջին աճը։ Բայց այս վիճակագրությունը փոքր է մեր երկրի զբոսաշրջային հնարավորությունների համեմատ։ Մենք միտված ենք զբոսաշրջիկների իրական աճին»,-ասել է նա։