Ադրբեջանի իշխանությունները հայտարարել են «ղարաբաղցի հայերի գրանցման մեկնարկի մասին՝ նրանց իրավական կարգավիճակը որոշելու համար»։ Անհասկանալի է, թե ում են պատրաստվում «գրանցել» Ադրբեջանի իշխանությունները՝ հաշվի առնելով այն փաստը, որ 9-ամսյա շրջափակումից և սեպտեմբերի 19-ի դաժան հարձակումից հետո հայերը զանգվածաբար լքում են Լեռնային Ղարաբաղը։

Ավելին, «հանդուրժող» ադրբեջանցիները սոցցանցերում հայերի նկատմամբ հաշվեհարդարի սպառնալիքներ են տարածում և ուրախանում Ստեփանակերտում տեղի ունեցած պայթյունով, որի հետևանքով զոհվեցին տասնյակ մարդիկ, վիրավորվեց մոտ 300-ը։

Նախօրեին Ադրբեջանի իշխանությունները ձերբակալել էին Արցախի նախկին պետնախարար Ռուբեն Վարդանյանին՝ նրան մեղադրելով «ահաբեկչության ֆինանսավորման մեջ»։