Միացյալ Նահանգները հինգշաբթի օրը կհայտարարի աղետների արձագանքման խումբ տեղակայելու մասին Հարավային Կովկասի տարածաշրջանում՝ Ղարաբաղում ճգնաժամի ֆոնին, հայտնում է Reuters-ը՝ վկայակոչելով Միջազգային զարգացման գործակալության (USAID) տնօրեն Սամանթա Փաուերի հայտարարությունը։
«Միացյալ Նահանգները հինգշաբթի օրը կհայտարարի Հարավային Կովկասի տարածաշրջանում աղետների արձագանքման թիմ տեղակայելու մասին՝ ամերիկյան մարդասիրական օգնությունը համակարգելու համար»,- հայտնում է գործակալությունը։
Հաղորդվում է, որ այս խմբի խնդիրն է լինելու գնահատել իրավիճակը, բացահայտել առաջնահերթ կարիքները և աշխատել գործընկերների հետ՝ անհրաժեշտ օգնություն ցուցաբերելու համար:
