Ֆինլանդիան, նույնիսկ որպես ՆԱՏՕ-ի անդամ, չի նախատեսում իր տարածքում միջուկային զենք տեղակայել, Ilta-Sanomat-ին տված հարցազրույցում ասել է երկրի պաշտպանության նախարար Անտի Հակկանենը։
«Նոր վայրերում միջուկային զենք պահելու կամ տեղակայելու հեռանկարներ չկան», - ասել է նա:
Ֆինլանդիայի պաշտպանության նախարարը նաև նշել է, որ Ռուսաստանի կողմից միջուկային զենքի կիրառման հետ կապված մտավախությունները անհիմն են, քանի որ, ըստ Հաքանենի, ներկայումս նման հավանականությունը հաստատող հետախուզական տվյալներ չկան։
Նախարարը հավելել է, որ Ֆինլանդիան, որը Դաշինքին միացել է ապրիլին, ուսումնասիրում է միջուկային զենքի հետ կապված տեղեկատվական և քաղաքական պրակտիկան։
Հրատարակությունը նշում է, որ ՆԱՏՕ-ի հավաքական պաշտպանության համակարգն ունի հինգ բաղադրիչ՝ սովորական սպառազինություն, սովորական պատերազմ, միջուկային զսպում, հակահրթիռային պաշտպանություն, տիեզերք և կիբեր պաշտպանություն։
