Թուրքիայի ազգային պաշտպանության նախարար Յաշար Գյուլերը հայտարարել է, որ Անկարան պատրաստ է վերսկսել բանակցությունները Թուրքիայի, Ռուսաստանի Դաշնության, Սիրիայի և Իրանի պաշտպանության նախարարների միջև։
«Մենք միշտ պատրաստ ենք երկխոսության, նստելու և քննարկելու... Սիրիական կողմի պահանջներն այնպիսին չեն, որ կարելի է անմիջապես ընդունել։ Նրանք ուզում են, որ «Թուրքիան հեռանա», բայց ինչո՞ւ պետք է Թուրքիան հեռանա։ Կրկին սիրիական կողմը չի կարողանում ժամանակ գտնել որոշ շրջաններով զբաղվելու համար, որտեղ մենք խաղաղություն և անվտանգություն ենք հաստատել, ինչպես նաև նրանցով, ովքեր արդյունահանում և վաճառում են իրենց ժողովրդի նավթը»,- ասաց նախարարը՝ պատասխանելով հարցին, թե արդյոք չորս երկրների պաշտպանության նախարարների բանակցությունների մեխանիզմն արգելափակված է, նրա խոսքերը մեջբերել է Star թերթը:
