Լիբանանում Ադրբեջանի դեսպանատան մոտ, որը գտնվում է Այն-Ար շրջանում, հայ հանրության բողոքի զանգվածային ցույց է տեղի ունեցել։
Ինչպես ТАСС-ին հայտնել է ականատեսներից մեկը, միջոցառումը կազմակերպել է «Դաշնակցություն» կուսակցության տեղական կառույցը, այն կապված էր Լեռնային Ղարաբաղի իրադարձությունների հետ։ «Ցուցարարներից ոմանք իրենց ագրեսիվ են պահել և սկսել են քարեր նետել դիվանագիտական առաքելության շենքի ուղղությամբ»,- ասել է նա։ «Ի պատասխան՝ ոստիկանությունը արցունքաբեր գազ է կիրառել և ամբոխին դուրս հրել դեսպանատան ցանկապատից»։
Լիբանանցի քաղաքական գործիչ, խորհրդարանի անդամ Ագոպ Պակրադունյանն ասել է, որ հայ հասարակությունը տագնապած է Լեռնային Ղարաբաղում արյունահեղության վերսկսմամբ։ «Մենք չենք կարող անտարբեր մնալ տեղի ունեցողի նկատմամբ և պահանջում ենք, որ ՄԱԿ-ի Անվտանգության խորհուրդը շտապ միջամտի իրադարձություններին՝ դադարեցնելու ռազմական գործողությունները, որոնք հանգեցնում են անպաշտպան քաղաքացիների մահվան», - նրա խոսքերը մեջբերում է լիբանանյան MTV հեռուստաալիքը։
