Ֆիլիպինները չի ցանկանում առճակատում, բայց անշեղորեն կպաշտպանի իր ջրերն այն բանից հետո, երբ իր առափնյա պահպանությունն ապամոնտաժեց Չինաստանի կողմից Հարավչինական ծովում՝ վիճելի ծանծաղուտի վրա տեղադրված լողացող պատնեշը: Այս մասին հայտարարել է երկրի նախագահ Ֆերդինանդ Մարկոս կրտսերը՝ առաջին անգամ հրապարակայնորեն դեմ արտահայտվելով Չինաստանի կողմից Սկարբորո Շոլի մուտքի մոտ 300 մետրանոց արգելապատնեշի տեղադրմանը, որը ապամոնտաժվել է իր հրամանով, փոխանցում է AP-ն։
«Մենք անախորժություններ չենք փնտրում, բայց կշարունակենք պաշտպանել Ֆիլիպինների ծովային տարածքը և մեր ձկնորսների իրավունքները, ովքեր հարյուրավոր տարիներ ձկնորսություն են կատարել այս տարածքներում», - ասաց Մարկոսը:
Չինաստանի և Ֆիլիպինների միջև վերջին հակամարտությունը Հարավչինական ծովում՝ աշխարհի ամենածանրաբեռնված առևտրային ուղիներից մեկում, տեղի է ունեցել այն բանից հետո, երբ Մարկոսն այս տարվա սկզբին որոշեց թույլ տալ ընդլայնել ԱՄՆ ռազմական ներկայությունը Ֆիլիպիններում՝ 2014 թվականի պաշտպանական պայմանագրի համաձայն:
Ավելի շատ ԱՄՆ զորքերի տեղակայման հեռանկարը Ֆիլիպինների հյուսիսում գտնվող տեղական ռազմական ճամբարներում՝ Թայվանի և հարավային Չինաստանի հակառակ կողմում, անհանգստացրել և զայրացրել է Պեկինին:
Այն բանից հետո, երբ Ֆիլիպինների առափնյա պահպանությունը հանեց պարանն ու ցանցի պատնեշը Սկարբորո Շոլից, ֆիլիպինյան ձկնորսական նավակները մտան ծանծաղ ծովածոց և մեկ օրվա ընթացքում մոտ 164 տոննա ձուկ բռնեցին, ասաց Մարկոսը:
