Թուրքիայի ԱԳ նախարար Հաքան Ֆիդանը խոսել է Ադրբեջանի վերջին ռազնական գործողություններից հետո ստեղծված իրավիճակի մասին։

Թուրքական Sondakika կայքի փոխանցմամբ՝ Թուրքիայի ԱԳ նախարար Հաքան Ֆիդանը նշել է, թե մինչեւ 2020 թվականը «Ադրբեջանը համբերատար սպասել է, մասնակցել բանակցությունների տարբեր տեղերում, որտեղ որ հրավիրել են»։ Ըստ Ֆիդանի՝ գլխավոր թեմաներն են եղել՝ Ղարաբաղի եւ «Զանգեզուրի միջանցքի» հարցը։

Ֆիդանը պնդել է, թե այս պահին արդեն «Ղարաբաղում հայկական քաղաքական կառույցը ինքն իրեն ոչնչացրել է, եւ Ադրբեջանի Սահմանադրության ներքո սկսվել է տեղի հայ բնակիչների ինտեգրման գործընթացը»։