Ադրբեջանի նախագահ Իլհամ Ալիևը ՀՀ վարչապետ Նիկոլ Փաշինյանին հիշեցրել է «Ղարաբաղը Հայաստան է և վերջ» հայտարարությունը։

Ինչպես հաղորդում է ԱՊԱ-ն, ելույթ ունենալով քաղաքաշինական ֆորումում, Ալիևն ասել է, որ «եթե Հայաստանի կառավարությունը ճիշտ վերլուծի այն իրադարձությունները, որոնք տեղի ունեցան այդ սադրիչ հայտարարությունից հետո, թե «Ղարաբաղը Հայաստան է»՝ արված Հայաստանի վարչապետի կողմից 2019 թվականին, մինչև սեպտեմբերի 20-ը, ապա խաղաղությունը սարերի հետևում չէ: Ահա թե ինչպես ենք մենք տեսնում Հարավային Կովկասի ապագան, ողջ տարածաշրջանի ապագան»։

«Այժմ՝ սեպտեմբերի 20-ին տեղի ունեցածից հետո, ժամանակն է, որ Ադրբեջանի և Հայաստանի թիմերը միասին նստեն և աշխատեն խաղաղ համաձայնագրի նախագծի վրա», - շարունակել է Ալիևը՝ հավելելով, որ «սեպտեմբերի 20-ից հետո, երբ Ադրբեջանը վերականգնեց իր ինքնիշխանությունը, նա կ ավելի հեշտ լինի լուծում գտնել և որքան հնարավոր է շուտ ստորագրել խաղաղության պայմանագիր»։ Իսկ դրանից հետո կամ դրան զուգահեռ, ակտիվորեն աշխատել սահմանների սահմանազատման ուղղությամբ և վերջ տալ երկարատև առճակատմանը, պնդում է Ալիևը։