Վախճանվել է ավագ դեմոկրատ սենատոր Դիանա Ֆայնշթեյնը, տեղեկացրել են ամերիկյան ԶԼՄ-ները։

Նրա վերջին թվիթը գրառում էր երկկուսակցական նամակի մասին՝ ի աջակցություն Արցախի։

«Ինն ամսվա ընթացքում Ադրբեջանը հարվածներ է հասցրել Արցախի տարածաշրջանին եւ զրկել ավելի քան 120 000 հայերի կարեւորագույն ռեսուրսներից, ներառյալ պարենամթերքը եւ դեղորայքը։ Մեր երկկուսակցական նամակը կոչ է անում պետական դեպարտամենտին պատժամիջոցներ մտցնել այն անձանց դեմ, ովքեր կապված են այդ ռազմական գրոհների հետ։ Վաղուց ժամանակն է, որ ԱՄՆ-ն ադրբեջանցի պաշտոնյաներին պատասխանատվության կանչի իրենց գործողությունների համար»,- գրել է հանգուցյալ սենատորը սեպտեմբերի 29-ին։