Թուրքիայի նախագահ Ռեջեփ Թայիփ Էրդողանի տիկնիկն այրել են Ստոկհոլմում, Թուրքիայի դեսպանատան մոտ տեղի ունեցող ցույցի ժամանակ, գրել է Aftonbladet շվեդական պարբերականը։

Կիրակի՝ հոկտեմբերի 1-ին, աշխատանքն է սկսելու Թուրքիայի խորհրդարանը։ Հույս կա, որ այն որքան հնարավոր է շուտ կվավերացնի ՆԱՏՕ-ին Շվեդիայի անդամակցության հայտը։

ՆԱՏՕ-ին Շվեդիայի անդամակցության հակառակորդ Լուկաս Յունգկվիստի խոսքով, եթե իրենց կատարած ակցիան նպաստի այն բանին, որ Շվեդիային չընդունեն ՆԱՏՕ, նշանակում է՝ իրենք հասել են իրենց նպատակին։

Ակցիան տեղի է ունեցել ուրբաթ, ժամը 13.00-ին, ոստիկանության պահպանության ներքո, դեսպանատան մոտ։ Թուրքիան անհապաղ դատապարտել է այդ քայլը։

Անկարայում հայտարարել են, որ թուրքական հասարակությունն սպասում է, որ Շվեդիան կկանխի այն գործողությունները, որոնք «մշտապես վիրավորում են մեր ընտրյալ ղեկավարներին, ինչպես նաեւ շարունակվող ահաբեկչական քարոզչությունը»։