ՕՊԵԿ-ը լավատեսորեն է տրամադրված պահանջարկի նկատմամբ և թերներդրումները համարում է էներգետիկ անվտանգության ռիսկ, հայտարարել է գլխավոր քարտուղար Հայթամ Ալ-Ղայսը Աբու Դաբիում էներգետիկ արդյունաբերության միջոցառման ժամանակ, հաղորդում է Reuters-ը:
Նա ընդգծել է նավթի և գազի արդյունաբերության մեջ շարունակական ներդրումների կարևորությունը և ասել, որ կարծում է, որ նավթի ոլորտում ներդրումները դադարեցնելու կոչերը հակաարդյունավետ են: «Մենք շարունակում ենք հավատալ, որ նավթի պահանջարկն այս տարի կլինի բավականին ուժեղ, ինչպես նախորդ տարի», - ասել է Ալ-Ղայսը, նշելով, որ ՕՊԵԿ-ի կանխատեսումը ենթադրում է, որ նավթի պահանջարկի աճը տարեկան կտրվածքով կկազմի ավելի քան 2,3 միլիոն բարել օրական:
Նա հավելել է, որ նավթագազային ոլորտում ներդրումները կարևոր են էներգետիկ անվտանգության համար։ «Մենք... բավականին քիչ պահեստային կարողություններ ունենք, մենք դա բազմիցս ասել ենք, և դա պահանջում է բոլոր շահագրգիռ կողմերի համատեղ ջանքերը՝ տեսնելու այս ոլորտում ներդրումների կարևորությունը», - ասել է նա:
