Ենթադրվում է, որ Եվրամիությունը մինչև տարեվերջ 2024 թվականին Ուկրաինային 5 միլիարդ եվրոյի ռազմական օգնություն հատկացնելու շուրջ համաձայնության կգա։ Այս մասին հայտարարել է ԵՄ դիվանագիտության ղեկավար Ժոզեպ Բորելը՝ Կիևում 27 համայնքային երկրների արտգործնախարարների ոչ պաշտոնական հանդիպման արդյունքներով մամուլի ասուլիսում։
«Ես առաջարկել եմ հաջորդ տարվա համար խաղաղության եվրոպական հիմնադրամի շրջանակներում 5 միլիարդ եվրոյի չափով ռազմական օգնության նոր փաթեթ։ Հուսով եմ, որ մենք համաձայնության կգանք մինչև տարեվերջ, երբ ԵՄ երկրները պետք է համաձայնեցնեն բազմամյա բյուջեն»,- ասաց նա։ Ասուլիսը հեռարձակում է Եվրահանձնաժողովի մամուլի ծառայությունը։
«Մենք ամրապնդում ենք համագործակցությունը Եվրամիության և Ուկրաինայի միջև պաշտպանական արդյունաբերության ոլորտում, մի քանի օր առաջ կարևոր հանդիպում էր Կիևում։ Մենք նաև կամրապնդենք համագործակցությունը կիբեր ոլորտում, հիբրիդային սպառնալիքների դեմ պայքարում, ինչպիսին է ապատեղեկատվությունը, ինչպես նաև ռազմավարական հաղորդակցությունների զարգացումը։ Շատ կարևոր է ուժեղացնել մեր աջակցությունն ականազերծման հարցում, սա վերականգնման հիմնական պայմանն է»,- ասաց նա։
