Ճապոնիայի ոստիկանությունը Տոկիոյի «Հանեդա» օդանավակայանում ձերբակալել է Պորտուգալիայի երկու քաղաքացու, որոնք փորձում էին երկիր մտցնել իրենց ստամոքսներում թաքցված կոկաինի 228 պատիճ։ Չարագործները կանգնեցվել են մաքսատան աշխատակիցների կողմից, որոնք ռենտգենյան զննում են իրականացրել, տեղեկացրել է ազգային հանրային հեռուստատեսությունը։
Ձերբակալվել են 40-ամյա մի կին եւ 35-ամյա մի տղամարդ, նրանք եկել էին Գերմանիայից եւ փորձում էին Ճապոնիա մտցնել իրենց ստամոքսներում պահված 1,8 կիլոգրամ կոկաինը։ Դրա շուկայական գինը 43 մլն իեն է (մոտ 290 հազար դոլար)։
Ճապոնիայի ոստիկանությունը օտարերկրյա գործընկերների հետ միասին փորձելու է պարզել կոկաինն առաքողներին եւ նրանց, ովքեր պետք է ստանային այն։
