Ավելի քան 20 պացիենտ, այդ թվում 12 նորածին, մեկ օրում մահացել են Հնդկաստանի Մահարաշթրա նահանգի Նանդեդ քաղաքի հոսպիտալում։ Այս մասին տեղեկացրել է հեռուստաալիքը՝ հղում կատարելով բուժհաստատության ներկայացուցիչներին։

«Վերջին 24 ժամում մահացել են վեց նորածին տղա եւ վեց նորածին աղջիկ: Տասներկու մեծահասակներ մահացել են տարբեր պատճառներով, հիմնականում օձի խայթոցից»,- նրանց խոսքերը մեջբերել է հեռուստաալիքը։ Նորածինների մահվան պատճառները չեն նշվել։

Բժիշկներից մեկի՝ Շյամրաո Վակոդեի խոսքով, երեխաները «տարբեր հիվանդություններ են ունեցել»։ Ինչ վերաբերում է մեծահասակներին, ապա, նշել է նա, նրանք հոսպիտալ են բերվել ծանր վիճակում։ «Նրանցից ութը 70-80 տարեկան էր։ Նրանք տարբեր խնդիրներ են ունեցել՝ դիաբետ, լյարդի խնդիրներ եւ երիկամների անբավարարություն»,- նշել է Վակոդեն։

Հոսպիտալում նշել են, որ դեղերի անբավարարություն հաստատությունում չկա։ Սակայն, հեռուստաալիքի տվյալներով, վերջին ամիսներին բուժաշխատողների մի մասը տեղափոխվել է այլ հիվանդանոցներ, ինչի պատճառով պացիենտներին սպասարկելու դժվարություններ են առաջացել։

Մահարաշթրայի առողջապահության նախարար Հասան Մուշրիֆը անձամբ առավոտյան եկել է Նանդեդի հոսպիտալ։ Նա տեղեկացրել է, որ միայն մեկ օրում այդքան մեծ թվով մարդկանց մահվան դեպքերի հետաքննությամբ կզբաղվի հատուկ հանձնաժողովը։