Թուրքիայի նպատակը Հայաստանին էներգետիկ կախվածության մեջ դնելն է, հայաստանի համար հավելյալ մարտահրավերներ ստեղծելը: Այս մասին այսօր՝ հոկտեմբերի 3-ին, Աժ-ում լրագրողների հետ զրույցում նշեց «Հայաստան» խմբակցության պատգամավոր Արթուր Խաչատրյանը՝ անդրադառնալով նրան, որ Թուրքիան պահանջել է փակել հայկական ատոմակայանը:
Նա հայտարարեց, որ Արցախում մեր ռազմական պարտությանը նախորդել է դիվանագիտական պարտությունը. «Երեք համանախագահ երկրները առնվազն 5 հայտարարություն են տարածել, որտեղ ասում են, որ ուժի կիրառումն անթույլատրելի է, ուժի կիրառման միջոցով իրավիճակի փոփոխությունն ընդունելի չի լինի»,-ասաց նա:
