Աբխազիան երախտապարտ է Ռուսաստանի ղեկավարությանը Սուխումի օդանավակայանի վերականգնման ներդրումային նախագծի ստորագրման համար, երեքշաբթի հայտարարել է հանրապետության նախագահ Ասլան Բժանիան, փոխանցում է РИА Новости-ն։
«Մենք մեր երախտագիտությունն ենք հայտնում Ռուսաստանի Դաշնության ղեկավարությանը։ Վերջերս պայմանագիր է ստորագրվել Սուխումի օդանավակայանի վերականգնման ներդրումային ծրագրի իրականացման մասին։ Սա մեզ համար մեծ նշանակություն ունի»,- ասել է Բժանիան ՌԴ ԱԳ նախարար Սերգեյ Լավրովի հետ բանակցությունների սկզբում։
Նա հավելել է, որ Սուխումը նաև երախտապարտ է Մոսկվային Ռուսաստանի և Աբխազիայի միջև երկքաղաքացիության հարցերի լուծման մասին համաձայնագիրը վավերացնող օրենքը ստորագրելու համար և նշել, որ այս փաստաթուղթն «ընդունվել է մեծ ոգևորությամբ»։
