Հնդկաստանի մայրաքաղաք Դելիի ազգային շրջանի ոստիկանությունը ներխուժել է NewsClick լրատվական պորտալի լրագրողների տները՝ արտասահմանից անօրինական ֆինանսավորում ստանալու կասկածանքով, հաղորդում է NDTV-ն:

Նրա խոսքով՝ Դելիի ոստիկանությունը հակաահաբեկչական օրենքների ենթադրյալ խախտման համար գործ է հարուցել այն բանից հետո, երբ New York Times թերթում հրապարակվել է, պարբերականը ֆինանսավորում է ստացել ամերիկացի գործարար Նևիլ Ռոյ Սինգհեմից՝ իբր նպատակ ունենալով խթանել Չինաստանի պաշտոնական դիրքորոշումը Հնդկաստանում:

ANI գործակալության տվյալներով՝ խուզարկություններն իրականացվել են ինտերնետ պորտալի ֆինանսավորման աղբյուրները ստուգելու նպատակով։ «Եթե ինչ-որ մեկը անօրինական բան է արել, իրավապահ մարմինները կարող են հետաքննություն անցկացնել սահմանված կանոնների համաձայն», - մեկնաբանել է Հնդկաստանի տեղեկատվության և հեռարձակման նախարար Անուրագ Սինգհ Թակուրը խուզարկությունները: Նա ավելի վաղ ասել էր, որ NewsClick-ի աշխատակիցները կասկածվում են «չինական քարոզչություն» տարածելու մեջ։

Մայրաքաղաքի տարբեր վայրերում խուզարկություններ են իրականացվել, մինչ այժմ պորտալի աշխատակիցներից ոչ մեկը բերման չի ենթարկվել, սակայն որոշ լրագրողներ բերման են ենթարկվել ոստիկանության բաժիններ։ Պարբերականի աշխատակիցներն իրենք են հայտնում սոցիալական ցանցերում, որ առգրավել են իրենց սարքավորումները, այդ թվում՝ նոութբուքերը։