Մեքսիկայի նախագահ Անդրես Մանուել Լոպես Օբրադորը երեքշաբթի ասել է, որ զինված անձինք Մեքսիկայի հարավում սպանել են երկու աշխատակցի, ովքեր ներքին հարցումներ էին անցկացնում իր Morena կուսակցության համար, հայտնում է Associated Press-ը։
Օբրադորը հայտնել է, որ երրորդ աշխատակիցն առևանգվել է և անհայտ կորած է մնում: Այդ երեքը հինգ հոգուց բաղկացած թիմի մի մասն էին, որոնք հարցումներ էին անցկացնում հարավային Չիապաս նահանգում՝ Գվատեմալայի հետ սահմանի մոտ: Նա ասաց, որ հարցման երկու այլ մասնակիցների հաջողվել է խուսափել վտանգից:
Տեղական լրատվամիջոցները հայտնում են, որ սպանված հարցման մասնակիցների վրա հայտնաբերվել է կառավարությանը ուղղված սպառնալիքներով ձեռագիր ցուցանակ՝ ստորագրված «Խալիսկո» թմրակարտելի կողմից, սակայն երկրի նախագահը չի հաստատել այդ տեղեկությունը։ Խալիսկոյի հանցախումբն արյունալի պայքար է մղում Չիապասում գտնվող «Սինալոա» կարտելի հետ՝ տարածքի համար։
