Գյումրու բժշկական կենտրոն են տեղափոխվել ՃՏՊ-ի հետևանքով մարմնական վնասվածքներ ստացած տարբեր տարիքի 5 քաղաքացիներ։ Այս մասին հայտնում են Գյումրու բժշկական կենտրոնի մամուլի ծառայությունից:
Տուժածներից երկուսը Հնդկաստանի քաղաքացիներ են, նրանցից մեկի վիճակը գնահատվում է ծանր, մյուսինը` միջին ծանրության։ ՌԴ տուժած քաղաքացու վիճակը գնահատվում է ծայրահեղ ծանր, իսկ ՀՀ երկու քաղաքացիներինը` ծանր։
Տուժածների թվում նաև երկու երեխաներ են, որոնք Գյումրու բժշկական կենտրոնում ԿՏ հետազոտություն ստանալուց հետո տեղափոխվել են մանկական հիվանդանոց։
Տուժած քաղաքացիներին այցելել է Շիրակի մարզպետ Մուշեղ Մուրադյանը։
