Հայաստանի Հանրապետության անվտանգությունը պետք է ապահովվի՝ Ադրբեջանի կողմից նոր հարձակումներն ու սպառնալիքները կանխելու համար։ Այս մասին հայտարարել է իսպանացի պատգամավոր Ջոն Ինյարիտուն, որը գտնվում է Հայաստանում՝ Լեռնային Ղարաբաղում հայերի էթնիկ զտման փաստերը պարզելու առաքելության շրջանակներում։
«Ավելի քան 100.000 հայ է Արցախից փախել Հայաստանի Հանրապետություն։ Նախ անհրաժեշտ է ուժեղացնել մարդասիրական օգնությունն այդ փախստականներին։ Երկրորդ՝ կարևոր է հավաքել այս ողբերգության բոլոր ապացույցները և, ի վերջո, պետք է ապահովել Հայաստանի Հանրապետության անվտանգությունը՝ Ադրբեջանի կողմից նոր հարձակումներն ու սպառնալիքները կանխելու համար»,- X-ի իր տեսաուղերձում ասել է իսպանացի պատգամավորը։
Ըստ Ջոն Ինյարիտուի, հենց հիմա է անհրաժեշտ գործել և արձագանքել Հայաստանում և Լեռնային Ղարաբաղում տիրող իրավիճակին։
