Մոլդովայում ԱՄՆ-ի հետ համատեղ «Aurochs Partner 2023» ռազմական զորավարժություններ կանցկացվեն։ Մոլդովայի պաշտպանության նախարարության տվյալներով, զորավարժությունները տեղի կունենան հոկտեմբերի 25-ից 31-ը։

Զորավարժությունները, որոնք ներառում են հետևակի հրաձգություն և պարաշյուտով ցատկ, ուղղված են մասնակից բանակների կարողությունների զարգացմանն ու փոխգործունակության մակարդակի բարձրացմանը, ինչպես նաև պրակտիկայում անհատական ​​և կոլեկտիվ ռազմական պատրաստության ժամանակակից հնարքների, մեթոդների և ընթացակարգերի ներդրմանը, ասվում է հայտարարության մեջ։