Չինաստանի Տիբեթի Ինքնավար Մարզի Նյանգչի քաղաքում մեկնարկել է «Տրանս-Հիմալայա» երրորդ միջազգային ֆորումը։ Ֆորումի հիմնական թեման էկոհամակարգերի պահպանումն ու զարգացումն է։ ՉԺՀ-ն մեծ նշանակություն է տալիս բնապահպանության թեմային, և պետական քաղաքականությունն ավելի ու ավելի է կենտրոնանում շրջակա միջավայրի զարգացման վրա:
Ֆորումին մասնակցում են կառավարության բարձրաստիճան պետական պաշտոնյաներ, ինչպես նաև պաշտոնյաներ Մոնղոլիայից, Իտալիայից, Նեպալից, Հնդկաստանից, Սալվադորից, Նիկարագուայից, Պակիստանից և այլ երկրներից:
ՉԺՀ-ն մտադիր է տրամադրել այս ոլորտում իր զարգացման փորձը և առաջարկել այն օգտագործել տարբեր, այդ թվում՝ ՇՀԿ և «Մեկ գոտի՝ մեկ ճանապարհ» ծրագրերի շրջանակներում:
Պարույր Սինյավսկի
