Այո, մենք ԼՂ կարգավիճակի հարցում նշաձողը փորձեցինք ցածրացնել, ընդ որում, մի գաղտնիք բացեմ, ԼՂ մեր գործընկերների հետ համաձայնեցված ձեւով: Այս մասին այսօր՝ հոկտեմբերի 4-ին, ԱԺ-ում հարցուպատասխանի ժամանակ նշեց ՀՀ վարչապետ Նիկոլ Փաշինյանը:
«Բայց փոխարենը ի՞նչ տեղի ունեցավ, մենք ցածրացրինք, ԼՂ-ն բարձրացրեց: Այստեղ է խնդիրը: ԼՂ-ն բարձրացրեց ձեր քաջալերմամբ: Եթե նրանք մեր ընդհանուր պայմանավորվածությունը եւ ըմբռնումը պահեին, այդպես չէր լինի: Մենք ասացինք, որ միջազգային հանրությունը կոնսոլիդացիա կապահովի: Այո, միջազգային հանրությունը Սոֆիյում, ըստ էության, միջազգային մեխանիզմի շրջանակներում հանդիպում էր առաջարկել ԼՂ-ին, իսկ ինչո՞ւ չգնացին: Որովհետեւ ԼՂ-ին արգելեցին գնալ: Ո՞վ արգելեց. Այ դա ոչ մեկը չգիտի»,-հայտարարեց Նիկոլ Փաշինյանը:
