Հոկտեմբերի 4-ին Ուկրաինայի նախագահ Վլադիմիր Զելենսկին զանգահարել է Ադրբեջանի նախագահ Իլհամ Ալիևին, հայտնում է ԱՊԱ-ն՝ վկայակոչելով Ադրբեջանի նախագահի գրասենյակը։

Նախագահ Վլադիմիր Զելենսկին երախտագիտություն է հայտնել Ադրբեջանի կողմից Ուկրաինային ցուցաբերվող զգալի մարդասիրական օգնության, հատկապես ձմեռային ժամանակահատվածում էներգետիկ ոլորտին ցուցաբերվող աջակցության համար։

Հեռախոսազրույցի ընթացքում ևս մեկ անգամ արտահայտվել է աջակցություն պետությունների ինքնիշխանությանն ու տարածքային ամբողջականությանը, մտքեր են փոխանակվել տարածաշրջանային անվտանգության, առկա սպառնալիքների և հետագա համագործակցության ձևաչափերի շուրջ։