ԵՄ-ի, ԱՄՆ-ի և Ռուսաստանի ներկայացուցիչների հանդիպմանը, որը տեղի է ունեցել Արցախի դեմ Ադրբեջանի վերջին ագրեսիայի սկսվելուց առաջ, կողմերը, հնարավոր է, քննարկել են Ալիևին զսպելու ուղիները կամ հայերին տարհանելու հարցը։ Այս մասին NEWS.am -ի թղթակցի հետ զրույցում ասել է քաղաքագետ Արթուր Խաչիկյանը։
«Միգուցե Արևմուտքն այդ հանդիպման ժամանակ առաջարկել է փոխարինել ռուս խաղաղապահներին սեփական դիտորդներով կամ խաղաղապահներով։ Նկատի ունենալով, որ Արևմուտքն ու Ռուսաստանը մահացու պատերազմի մեջ են, նրանք այժմ չեն համագործակցի»,- հավելել է նա։
Խաչիկյանի կարծիքով՝ Ալիևի՝ Գրանադա գնալուց հրաժարվելը կարող է պայմանավորված լինել նրանով, որ Ֆրանսիան կարող է պահանջել դիտորդներ տեղակայել Արցախում կամ երաշխիքներ տրամադրել արցախահայության համար։
