News
Լրահոս
News
Չորեքշաբթի
Փետրվար 28
Տեսնել լրահոսը


Պարզ է, որ խոսքը արտաքին հարաբերություններում Հայաստանի կողմնորոշման արմատական ​​փոփոխության մասին է։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի Անվտանգության խորհրդի քարտուղար Արմեն Գրիգորյանի՝ վերջերս տված հարցազրույցը։

«Իհարկե, ես չեմ կարող չմեկնաբանել Հայաստանի քաղաքական գծի դիվերսիֆիկացման մասին այս հատվածները՝ առանց վեկտորը փոխելու։ Ես կուզենայի սա ինչ-որ կերպ հասկանալ... ոչ միայն այս ամենը լսելու և կարդալու հայտարարությունների տեսքով, այլ այն, թե ինչպես է դա ընդհանրապես ընկալվում գործնականում։ Իմ կարծիքով՝ սա իրական մտադրությունները թաքցնելու բացահայտ փորձ է։ Հասկանալի է, որ խոսքը արտաքին հարաբերություններում հայաստանի կողմնորոշման արմատական ​​փոփոխության մասին է։ Սա արվում է շատ հստակ՝ Արեւմուտքի առաջարկով կամ հուշումով։

Մյուս կողմից, նրանք ամեն կերպ փորձում են քողարկել դա՝ հավատալով, որ այդկերպ կարող են պահպանել նույն մակարդակի օգնությունը և ինչ-որ հատուկ հարաբերություններ։ Այս ամենն այնքան տեսանելի ու պարզ է, որ պարզապես անհնար է դա թաքցնել նման խոսքերի ու ձևակերպումների հետևում։

Իսկ խոսակցությունը, թե իբր Հայաստանին ստիպել են այլընտրանք փնտրել՝ չստանալով իր խնդրանքների պատասխանը Ռուսաստանից, և որ ոչ թե Հայաստանն է դուրս է գալիս ՀԱՊԿ-ից, այլ հակառակը... Դե, ինձ թվում է, որ սա, պարզապես պատասխանատվությունը տեղափոխելու, սեփական սխալ հաշվարկների համար պատասխանատուներ գտնելու փորձ է։ Խորհրդակցություններ եղել են թե՛ երկկողմ ձևաչափով, թե՛ ՀԱՊԿ-ի միջոցով, բայց Երևանում որոշում կայացրին, և կարծես թե արդարացրին դա՝ հօգուտ հանրապետության տարածքում ԵՄ առաքելություն տեղակայելու։

նիստին Հայաստանի մասնակցությամբ ՀԱՊԿ Հավաքական անվտանգության խորհրդի ժամանակ ՀՀ-ի կողմից խնդրանք է եղել հետ կանչել Հարավային Կովկասի տարածաշրջանում խաղաղության հասնելու ջանքերին աջակցող ԱԳՆ ղեկավարների հայտարարության նախագիծը, որը նույնպես շատ խոսուն է։ Ռուսաստանը և ՀԱՊԿ դաշնակիցները դեռ բաց են երկխոսության համար և պատրաստ են օգնելու, սակայն Երևանի ցանկությունն անհրաժեշտ է: Նշեմ, որ հարցազրույցում բարձրացված հարցերը ծագում են շատերի, այդ թվում՝ Հայաստանի քաղաքացիների համար։ Ցավոք, պատասխանների ճշմարտացիությունն այնքան էլ լավ չստացվեց»,- ասել է ՌԴ ԱԳՆ ներկայացուցիչը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Զախարովա. Փաշինյանի խոսքերը Հայաստանում հեղաշրջում իրականացնելու Ռուսաստանի կոչերի մասին որևէ հիմք չունեն
Տրամաբանական հարց է առաջանում. նրանք, ովքեր հիմա Երևանում են, իրենք հավատարիմ են այս...
Չեմ հասկանում ՀԱՊԿ-ում Հայաստանի մասնակցության «սառեցման» մասին հայտարարության տրամաբանությունն ու ոճը. Զախարովա
Հուսով ենք, որ Երևանը կհասկանա, որ առկա մտահոգությունները պետք է քննարկվեն և լուծվեն հանգիստ...
Հայաստանի միջազգային օդանավակայանում պետք է սահմանապահ ծառայություն իրականացնեն ՀՀ կառույցները. Ալեքսանյան
Կարծում եմ՝ Հայաստանի միջազգային օդանավակայանում պետք է աշխատեն...
ՀԱՊԿ-ի պահվածքը մեզ մոտ շատ հարցեր է առաջացնում, բայց մենք հասկանում ենք՝ պետք չէ հավելյալ սրել իրավիճակը. Ալեքսանյան
Փաստացի մեր անդամակցությունը ՀԱՊԿ-ին սառեցված է...
Զախարովա. ՀՀ իշխանություններից որեւէ դիմում չենք ստացել «Զվարթնոցից» ռուս սահմանապահներին հանելու մասին
Սա դիտարկում ենք որպես պաշտոնական Երեւանի ոչ բարեկամական պահվածքի հերթական օրինակ...
Մենք ՀԱՊԿ-ին մի հարց ենք տվել, որ մնացել է անպատասխան. ՀԱՊԿ-ը ինքն իրեն անջատել է և չի աշխատում. Ալեն Սիմոնյան
Չեմ հասկանում տրամաբանությունը, որ անընդհատ երազում ենք ինչ-որ երկրի կցորդ լինենք...
Ամենաշատ